طريح الهوى والحال ما عاد في شـده

[الراحل]

أناكيف أسوي فيك يا قلبي الميلاف=تعذب على شانه وهوصايرضده
تولعت باللي شفت في شارع الاشراف=عليه الجكيت وبنطلونه على قده
تصادفت أناوأياه في مدخل السقاف=تقدم على وشنطة الفن في يده
لوانه تركني كان انا ماعلى خلاف=ولكن حرمني من عيونه ومن خده
ياليت البنات البيض مايلبسن غداف=يكفي شليل الشعر الاشقر الى كده
تلفت على وشافني ناعم الاطراف=ولكن بعد ما شافني كن ما وده
تحسف على ما صار من عوده الغرياف=وراع الهوى ما يامن أحد على سده
وناقلت يا يعسوب يالين الاعطاف=تبسم ولا تغضي ولا توري الصده
تراك انت يا المحبوب ياكامل الاوصاف=تمكنت من قلبي وهو اصل صده
وهذ الذي قالو له العاشقين اسرف=ولكن ترد القلب لي قال ماارده
ونا اعرف ان الزين ما يعطي الانصاف=على شان انا شرقي وهو من اهل جده
على كل حال قلت جيبولي الاسعاف=طريح الهوى والحال ما عاد في شده
على ذاومن ذا وهذا هوالاتلاف=ومن هذا وهذي وهذي هي الهده
يقولون يا فنان لا تبدي المشراف=وراع الهوى في ماقف الحب لا بده
عليل عليه وعلة القلب ما تنشاف=وتاخذ مع اللي صابه الحب له مده
قرينا عن المكتوب عن صورة الغلاف=وشفنا الكتابه كنها خط مسوده


لشاعرالشعبي:محمدناصرالسويلم

[شمريه]

قصيده جميله اوخيي الراحل

صح الله السان شاعرها ويد ناقلها

دمت في حفظ الرحمن..